గుంటూరు పశ్చిమ నియోజకవర్గములో ఎమ్మెల్యే గళ్లా మాధవి, నగర కమిషనర్ పులి శ్రీనివాసులు పర్యటన

Updated on: 2025-03-10 16:01:00

శంకర్ విలాస్ బ్రిడ్జి విస్తరణ పనుల ప్రారంభం కానుండటంతో ట్రాఫిక్ మళ్లింపు ప్రాంతాలను గుర్తించిన ఎమ్మెల్యే, కమిషనర్ అభివృద్ధి జరగాలి అంటే ప్రజల సహకారం తప్పనిసరి - ఎమ్మెల్యే గళ్ళా మాధవి గుంటూరు పశ్చిమ నియోజకవర్గములో ఎమ్మెల్యే గళ్లా మాధవి, నగర కమిషనర్ పులి శ్రీనివాసులు సోమవారం ఉదయం విస్తృతంగా పర్యటించారు. త్వరలో శంకర్ విలాస్ బ్రిడ్జి విస్తరణ పనుల ప్రారంభం కానుండటంతో ట్రాఫిక్ మళ్లింపు ప్రాంతాలను ఎమ్మెల్యే గళ్లా మాధవి, కమిషనర్ పులి శ్రీనివాసులు పరిసిలించారు. అనంతరం ఎమ్మెల్యే గళ్ళా మాధవి మాట్లాడుతూ... గుంటూరు శంకర్ విలాస్ బ్రిడ్జి విస్తరణ పనులు ఇప్పటికే మొదలయ్యాయి. దీని వలన వాహనదారులు ట్రాఫిక్ ను మళ్లించటం వలన అంతర్గత తీవ్ర అంతరాయం కలుగుతుందన్న భావనతో అంతర్గత రోడ్ల మీద ఆధారపడవలసివస్తుంది. ట్రాఫిక్ కు తగ్గ రోడ్లు ను ఈ రోజు నగర కమిషనర్ పులి శ్రీనివాస్ మరియు మునిసిపల్ అధికారులతో కలిసి పరిశిలించటం జరిగింది. ట్రాఫిక్ మళ్లింపు కోసం బ్రాడిపేట 14వ లైన్, కంకరగుంట ఆర్.యూ.బీ, పట్టాభిపురం పోలిస్ స్టేషన్ రోడ్డు, పట్టాభిపురం బ్రిడ్జి ప్రాంతాలను గుర్తించాము. ఈ ట్రాఫిక్ రద్దీ దృష్ట్యా రోడ్లను వేగంగా విస్తరించుకోవాలని నిర్ణయం తీసుకున్నాము. ఒక ప్రాంతం అభివృద్ధి చెందాలంటే ప్రజల సహకారం తప్పనిసరి కాబట్టి అవసరమైన ప్రాంతాల్లో ఆక్రమణలు తొలగింపునకు ప్రజలు సహకరించాలని కోరుతున్నాము. కమిషనర్ పులి శ్రీనివాసులు మాట్లాడుతూ... ఏప్రిల్ మొదటి వారం నుండిపనులు ప్రారంభమవుతుంది.ట్రాఫిక్ రద్దీ దృష్ట్యా మాస్టర్ ప్లాన్ ప్రకారం రోడ్ల విస్తరణ చేపట్టాల్సి ఉంది. 10 రోజుల్లోపు మార్కింగ్ . ఆర్ డి. పి పనులను ప్రారంభిస్తాము. ముఖ్యముగా బ్రాడిపేట 14వ లైన్ లో రైల్వే గేటు ఓపెన్ చేయాలని రైల్వే శాఖ వారిని కోరాము. కాని రైల్వే వారు సాంకేతిక కారణాల వలన అనుమతి ఇవ్వలేదు. కాబట్టి కంకర గుంట ఆ ర్ యూ బి లో కొన్ని మార్పులు చేయదలిచాము. ప్రతిపాదనలు సిద్ధము చేసాము. అనుమతులు ఇచ్చాము.విస్తరణలో ప్రైవేటు ఆస్తులు కోల్పోయిన వారికి టిడిఆర్ బాండులు,నష్టపరిహారం ఇస్తామని దీనికి ప్రజలందరూ సహకరించాలని కమిషనర్ పులి శ్రీనివాసులు కోరారు.