కూటమి ప్రభుత్వ ముందస్తు చర్యలతో... సజావుగా బుడమేరులో వరద ప్రవాహం: గుడివాడ ఎమ్మెల్యే వెనిగండ్ల రాము

Updated on: 2025-08-14 13:43:00

పుట్టగుంట వంతెన వద్ద బుడమేరు వరద ప్రవాహాన్ని పరిశీలించిన ఎమ్మెల్యే... వరద ఇన్ ఫ్లో వివరించిన అధికారులు... వరద ఉధృతికి కోతకు గురైన 216ఎన్.హెచ్ రహదారికి...మరమ్మత్తుల పనులు సత్వరమే ప్రారంభమవుతాయి సీఎం చంద్రబాబు నాయకత్వంలో బుడమేరు శివారు వరకు... ఆధునీకరణ పనులు చేపడతాం ప్రస్తుతానికి పరిస్థితి అదుపులో ఉంది... రైతులు, ప్రజలు ఆందోళన చెందనవసరం లేదు ఆగస్టు 14 నందివాడ: సీఎం చంద్రబాబు ఆదేశాలతో కూటమి ప్రభుత్వం చేపట్టిన ముందస్తు చర్యల వల్ల.... భారీ వర్షాలు కురిసిన బుడమేరులో అవాంతరాలు లేకుండా వరద ప్రవాహం ఉదృతంగా ముందుకు సాగుతుందని గుడివాడ ఎమ్మెల్యే వెనిగండ్ల రాము పేర్కొన్నారు. నందివాడ మండలం పుట్టగుంట వంతెన వద్ద బుడమేరులో వరద ఉధృతిని అధికారులతో కలిసి ఎమ్మెల్యే రాము గురువారం ఉదయం పరిశీలించారు. ఎగువ నుండి వస్తున్న వరద ఇన్ ఫ్లో వివరాలను అధికారులు ఎమ్మెల్యే రాముకు వివరించారు. ఎప్పటికప్పుడు వరద వివరాలను తెలియజేయాలని అధికారులకు ఎమ్మెల్యే రాము సూచించారు. ముందుగా బుడమేరు ఉధృతికి కోతకు గురైన 216 ఎన్.హెచ్,PNV రహదారినీ పరిశీలించిన ఎమ్మెల్యే రాము. డి.ఈ ఎన్.హెచ్ సత్యనారాయణతో ఫోన్లో మాట్లాడి.... రహదారికి సత్వర మరమ్మత్తులు చేపట్టాలంటూ సూచించారు. ఈ సందర్భంగా ఎమ్మెల్యే రాము మీడియాతో మాట్లాడుతూ గతంలో కొద్ది వర్షాలకే బుడమేరులో వంతెన పైనుండి వరద నీరు ప్రవహించేదని, గత రెండు రోజులుగా భారీ వర్షాలు కురిసిన, ఎగువ నుండి భారీగా వరద నీరు వస్తున్న నాటి పరిస్థితులు ఇప్పుడు కనిపించడం లేదన్నారు. సీఎం చంద్రబాబు ఆదేశాలతో చేపట్టిన ముందస్తు చర్యల వల్ల బుడమేరులో అవాంతరాలు లేకుండా వరదనీరు సాఫీగా ముందుకు సాగిపోతుందన్నారు. ప్రభుత్వ చర్యలపై రైతులు కూడా హర్షం వ్యక్తం చేస్తూ తనకు ధన్యవాదాలు చెబుతున్నారని ఎమ్మెల్యే రాము తెలిపారు. ఎప్పటికప్పుడు వరద ప్రవాహాన్ని పర్యవేక్షిస్తున్నామని ప్రస్తుతానికి పరిస్థితి అదుపులోనే ఉందని రైతులు ప్రజలు ఎవరు ఆందోళన చెందనవసరం లేదని ఎమ్మెల్యే రాము భరోసా ఇచ్చారు.కోతకు గురైన రహదారి మరమ్మత్తులకు మెటీరియల్ వస్తుందని, సత్వరమే ఈ పనులు కూడా జరుగుతాయన్నారు. భవిష్యత్తులో విజయవాడ... బుడమేరు పరివాహక వరద ఇబ్బందులు తెలపకుండా... రానున్న రోజుల్లో శివారు పెదఎడ్లగాడి వరకు బుడమేరు ఆధునీకరణ పనులను సీఎం చంద్రబాబు నాయకత్వంలో చేపడతామన్నారు.