టెహ్రాన్‌ను వ‌దిలిన 100 మందితో కూడిన భారతీయుల తొలి బృందం

Updated on: 2025-06-17 07:56:00

ఇరాన్ నుంచి భారతీయుల తరలింపునకు కేంద్రం చర్యలు మొదటి విడతగా 100 మందితో కూడిన బృందం టెహ్రాన్ నుంచి అర్మేనియాకు పయనం ఇరాన్‌లో వేలాది మంది భారతీయ విద్యార్థులు, ఇతర పౌరులు నివసిస్తున్నారు. ప్రస్తుత గణాంకాల ప్రకారం, ఇరాన్‌లో సుమారు 10,000 మంది భారతీయులు ఉండగా, వారిలో 6,000 మంది విద్యార్థులేనని అంచనా. తమ పిల్లల భద్రత గురించి భారత్‌లోని వారి కుటుంబ సభ్యులు తీవ్ర ఆందోళన చెందుతున్నారు. భారతీయులను సురక్షిత ప్రాంతాలకు తరలించే ప్రక్రియలో సహకరించాలని భారత ప్రభుత్వం చేసిన విజ్ఞప్తికి ఇరాన్ ప్రభుత్వం సానుకూలంగా స్పందించింది.ఈ నేపథ్యంలో భారత ప్రభుత్వం వారిని సురక్షితంగా స్వదేశానికి తరలించేందుకు తక్షణ చర్యలు ప్రారంభించింది. ఇందులో భాగంగా సుమారు 100 మంది భారతీయులతో కూడిన మొదటి బృందం ఇప్పటికే టెహ్రాన్ నుంచి బయలుదేరింది.